المقادير:
*كيكة اسفنجية
.ايس كريم فانليا
.ايس كريم فراولة
.ايس كريم شيكولاتة
.فواكه مسكرة(كريز-لارنج)
الطريقة:
نحضر طبق غويط مقعر علي هيئة نصف دائرة افرش الطبق
بورقة كبيرة فويل(يعني ابطن الطبق بالفويل كويس قوي)
اقسم الكيكة الاسفنجية من النصف بالسكين احضر النصف
الاول واضعه علفي الفويل في الطبق بحيث يأخد شكل الطبق
ويكسيه تماما.
وممكن بطريقة تانية للتقطيع بإنك تضعي امامك النص الاول
بتاع الكيكة وبعدين تقطعيه شرائح عريضة تبتدي تأخدي كل شريحة
وتحطيها في الطبق فوق اللي قبلها وهكذا لحد ما تكسي الطبق
بدون فراغات بقدر الامكان .
بالمعلقة ننزل اول طبقة ايس كريم ونفردها كويس ثم نضع بعض
حبات من الفواكه المسكرة.
ثم نضع طبقة من النوع التاني من الايس كريم ونفردها كويس وبرضه
بعض حبات من الفواكه المسكرة ثم نضع الطبقة الاخيرة من الايس كريم
وتكون من النوع التالتوتفرد كويس بظهر المعلقة .
نحضر النصف التاني بتاع الكيكة الاسفنجية وتقطعيه بالسكين علي هيئة
ددائرة نغطي بها الطبق كويس ونضغط عليها عشان تثبت كويس في الايس كريم .
ندخلها الفريزر لمدة 3ساعات وعند التقديم نطلعها ونقلبها علي طبق او سرفيس
وهي هتتقلب معاكي علي طول ما تخافيش .
نشيل من عليها الورق الفويل ولما تزوقيها بالكريم شانتيه او ممكن تسيحي
شيكولاتة خام وتصبيها بالراحة هتنزل تغطي القالب كله او ممكن تجيبي صوص
فراولة وصوص شيكولاتة وتنزليهم علي هيئة خطوط رفيعة .
بالهنا والشفا
موضوع: تورتة بالآيس كريم 
الأربعاء يونيو 22, 2011 4:35 pm
